ایلیوب عالی عنایت حی داور تبریزه
سایه سالدی یر اوزونده آل حیدرتبریزه
اسوه اولدو اوصیالر تبریزین چون اهلینه
حجت ا… هرزماندا اولدو یاور تبریزه
هرزمان ائتدی تجلی اهل تبریزغیرتی
اهل عالم یر اوزونده غبطه ایلر تبریزه
دهریده علامه لردن سهمی چوخدی تبریزین
شاهد اولدو اهل دین علامه پرور تبریزه
هرزماندا تبریزین وارمثلی ستارخانلاری
وارنیازی هرچتین دوراندا کشور تبریزه
باکری لر تک امیری چوخلی اولدو جنگیده
جمع اولاندا وئردیلر بیرعالی لشگر تبریزه
پایتخت شیعه اولدو شهریمیز بو عصریده
فخر ائلرهر عصریده آل پیمبر تبریزه
مشهد الرضا اولوبدور پایتخت معنوی
معنویتده اولوب همچو برادر تبریزه
بودیارین اهلی کی اولدو ولایت عاشقی
چون قیلیب چوخلی نظر زهرای اطهر تبریزه
تبریز اهلی اعتراض ایلوبدی ظالم شاهلارا
اوصیانین سؤزلری چون اولدو محور تبریزه
باشلادی بیر انقلاب بهمن آیندا بودیار
چشم امیدی واریدی اوندا رهبر تبریزه
دینه چوخ قربانلاری وئردی بو آذربایجان
افتخاری هی یارادتدی چوخ دلاورتبریزه
جنگ لرده خط شکن اولدو همیشه لشگری
شیر زن لر وئردیلرسرباز وافسر تبریزه
پی آپارسین اهل دنیا کل ایران شهرینه
کل اروپا جمع اولا اولماز برابر تبریزه
رهبر ایران اولوب بوعصریده سیّد علی
اهل آذربایجاندور اولدو سرور تبریزه
شاعرانی هرزمان وصف ایلیوبدی تبریزی
فائزین فخری بودور کی خدمت ایلر تبریزه
