الله جل جلاله

آللاه منه امداد ائله

بازدیدها: 41

ای الهی بو حقیره سن اوزون امداد ائله
درک ائدم حق یول ندور هرآن منی استاد ائله
لطف ائله آللاه اوزون عارف اولام من حقیوه
دوز یولی گئد ماقلیقا دائم منی ارشاد ائله
تابع امرین اولام منده بو عالمده هرآن
بنده ی لا یق اولام اوز امریوه منقاد ائله
لذت عبادتی یا طاعتی درک ایلویم
پی رو زین العباد ین حضرت سجاد ائله
اولمویام اوز باشیمه دنیادا بیر آنی اِلاه
سالما گوزدن لحظه ای دائم حقیری یاد ائله
قویما نسلیمندن منیم امر ولایتدن چیخا
متقّی اولسون هرآن اوز سودگین افراد ائله
قویما نسلیم بو جهاندا ای خدا اولسون عقیم
تک به تک اولادیمی سن صاحب اولاد ائله
هر کسی معتاد اولوردنیاده ایندی بیر زادا
لطف ائله اوزعشقیوه دائم منی معتاد ائله
واراورکده هرزمان عشق ولایت مایه سی
پیرو سلمانیله عماریله مقداد ائله
غصه وئردی هرزمانداگویلومه دنیا غمی
نوریوی سال قلبه سن اول دم منی دلشادائله
کیم تله قورسا منه قویما قورا آللاه اوزون
دشمنانین کیدینی هرآنی سن برباد ائله
توولاماسین لحظه ای شیطان منی بو داریده
منده بیر عالی قوانی هر زمان ایجاد ائله
روح و جسمیم ظالمه یا شیطانا باش ایمویه
هرزماندا هر مکاندا قدیمی شمشاد ائله
کبریله شیطانیله یا نفس امماره اگر
ایسته سه گلسین منه سن داخل مرصاد ائله
هر زمان دوشسم بلایه تئز یتوش امدادیمه
قویما بیرآن من قالام اوردان منی آزاد ائله
شکر اولا درگاهیوه آباد اولوب بورداایویم
لطف ائله دار بقانی هم اوزون آباد ائله
فائزم تاپدیم نجات چوخ شرّیدن دنیاده من
لطف ائله دار بقاده هم منی دلشاد ائله

نمایش بیشتر

نوشته های مشابه

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

بستن