گلیب درگاهیوه امت الهی
نیازی وار سنه امت الهی
اولوبسان معدن رحمت الهی
اوزون ایله بیزه نصرت الهی
الهی یاالهی یا الهی
گلن درگاهیوه واردی نیازی
اورکده وار چوخی سوزوگدازی
دییور خالقینه دلده کی رازی
گلیب سندن آلا حاجت الهی
الهی یاالهی یا الهی
اولوبسان دنیادا رحیم رحمان
بونا عقیده سی وار اهل ایمان
سنه دردین دییر اصلی مسلمان
اولوب دنیاده بو سنت الهی
الهی یاالهی یا الهی
کیمین دردی اولارکی روح وتنده
آلاردرمان اونا حقه دیینده
نه دردی وار اونون درمانی سنده
ائدرسن درمانی راحت الهی
الهی یاالهی یا الهی
گلردرگاهیوهچوخلی گناهکار
بیلورقاپوندا چون اونا پناه وار
سنه دردین ائلر چوخلاری اظهار
چوخونداواردی بوخصلت الهی
الهی یاالهی یا الهی
اولوب باعث گنا ه گلوخ نوایه
سنی وئروخ قسم ذات خدایه
بغیشله بیزلری آل عبایه
بیزی عفو ایله بوساعت الهی
الهی یاالهی یا الهی
بیزی عفو ایله سن طاهایه خاطر
علی المرتضامولایه خاطر
شفیعه ی جزا زهرایه خاطر
اولاردی معدن رحمت الهی
الهی یاالهی یا الهی
سنی وئروخ قسم اهل ولایه
وصی مصطفایه مجتبایه
گل عالم شه کرب وبلایه
اوزون وئربیزلره غیرت الهی
الهی یاالهی یا الهی
سنی وئروخ قسم زین العباده
بالاسی باقره اول پاک زاده
امام صادقه عزّت لی آده
بیزه وئرسن اوزون عزّت الهی
الهی یاالهی یا الهی
بیزی عفو ایله سن موسایه خاطر
ابا الحسن رضا مولایه خاطر
وصی حضرت رضایه خاطر
الهی یاالهی یا الهی
سنی وئروخ قسم هادی امامه
بالاسی حسن عسگری نامه
بیزی یتور بو عالمده مرمه
اولاق بیز راهی جنّت الهی
الهی یاالهی یا الهی
سنی وئروخ قسم صاحب زمانه
وصی مصطفا ایزد نشانه
اوزون رحم ایله بواهل جهانه
قیام ائده بو ائیل حجت الهی
الهی یاالهی یا الهی
اوزون ایله بیزه الان عنایت
محبان حسینه قیل عنایت
وئرین اذنی گله عنقریب حجت
بیزی خرم ائده حضرت الهی
الهی یاالهی یا الهی
اولور آللاه دعا چوخلی مکاندا
گله ولی عصرین بو زماندا
جمالینی گورک بیز بوجهاندا
اورکده قالمویا حسرت الهی
الهی یاالهی یا الهی
بیزه حقدن کلان نعمت گلوبدی
علی شیعه سینه عزّت گلوبدی
گوریدیک او گونی حجت گلوبدی
اجلدن وئر بیزه مهلت الهی
الهی یاالهی یا الهی
ال آچدوخ درگهه پروردگارا
قیامتده بیزی سالما فشاره
ائمه دن بیزی سالما کناره
اولاجنت بیزه قسمت الهی
الهی یاالهی یا الهی
دخیلوندی هرآن فائز قاپوندا
یازی یایی قیشی پائز قاپوندا
دورا سائل اولوب جائز قاپوندا
ائدیرسن سائله رأفت الهی
الهی یاالهی یا الهی
