ایله عنایت منه رب جلیل
انتَ الهی انا عبدالذّلیل
درگهیوه اولموشام آللاه دخیل
انتَ الهی انا عبدالذّلیل
آنلامادیم ایلدیم آللاه گناه
بیلمه میشم ایلمه اشتباه
توبه ائدیب من سنه گتدیم پناه
توبه ائدن بنده وه اولدون کفیل
انتَ الهی انا عبدالذّلیل
درگهیوه اوز گتورربندهلر
توبه ائدر عاقل اولان زنده لر
واردی امیدی سنه شرمنده لر
چوخلاری اولدوبیلوسن منفعل
انتَ الهی انا عبدالذّلیل
توبه ائده عاصی اولانلار اگر
رحمتیوه نائل اولار سربه سر
توبه ائدن بنده وه قیلدین نظر
واردی اونا سایسان اگرمین دلیل
انتَ الهی انا عبدالذّلیل
سیّآتیم ائتدی منی روسیاه
گتدی وجودیمده هرآن سوزوآه
ایله میشم توبه الان ای الاه
عفو ائده سن سن منی اولدون وکیل
انتَ الهی انا عبدالذّلیل
بیز بیلریک واربشره رأفتین
عفو ائله مک اولدو سنین سنتین
شامل اولوربنده لره رحمتین
علت اودور خلق ائله دین سلسبیل
انتَ الهی انا عبدالذّلیل
سعی ائله دیم پیرو اولام من سنه
قوردی پاچا لیک شیاطین منه
اولدوم آز عامل عمل احسنه
خیرعملیم اودو الهی قلیل
انتَ الهی انا عبدالذّلیل
واردی شیاطینده کی بدسیرتی
توولویاعالمده اولارملتی
مخلصه پاتمازکی ولی قدرتی
مخلصه قوش سن منی آللاه بو ائیل
انتَ الهی انا عبدالذّلیل
خالق یکتا بیلورم من سنی
پاکلاگیلامنده کی روح وتنی
صاحب ائله خیر عمله سن منی
تاوئره سن بندیه اجر جزیل
انتَ الهی انا عبدالذّلیل
شامل اولور ملت اوچون رحمتین
بنده لره چوخدی هرآن رأفتین
سای سیز حساب سیزبیزه وارنعمتین
بنده لره گلدی هرآن مثل سیل
انتَ الهی انا عبدالذّلیل
واردی قاباقدابیزه یوم الحساب
عاصی اولان بنده لره وارعذاب
خیّره اورداوئره جاقسان ثواب
فضلون اولوبدی بیلورم بی بدیل
انتَ الهی انا عبدالذّلیل
ایلدین آللاه کی عنایت منه
آچدین اوزون راه هدایت منه
وئردین همی عشق ولایت منه
نعمتیوین هامّیسی اولدو جمیل
انتَ الهی انا عبدالذّلیل
ایله میشم منده اطاعت سنه
ایلدیم آز چوخ کی عبادت سنه
اولمادی قابل بئله طاعت سنه
عفو ائله اولسامدابیرآزمن کسیل
انتَ الهی انا عبدالذّلیل
فائزه آللاه سن اوزون رحم ائله
قویما شیاطین منه قورسون تله
نفسیمه غالب اولابیلمم هله
گرچه تلاش ایله میشم اللی ائیل
انتَ الهی انا عبدالذّلیل
