شرکت پگاه
ذکر مصیبت

زبان حال حضرت زهرا(س)به حضرت علی(ع)

بازدیدها: ۲۱

عم اوغلی وقت هجراندیر،بیر آز اگلش کنارمده

اورک دردین دییم اجل نشانه سی پدید اولدو

نه سرّی وار عم اوغلی جان،بلا گلدی بیزی توتدی

آتام رحلت ائدن گوندن،مصیباتیم شدید اولدو

آتام یاد دان نه تئزچیخدی،سنی امت نیه آتدی

منافقلر جلوس ائتدی،شیاطینه مرید اولدو

سنین حقین گئدیر الدن،خیانت اولدو قرآنه

حقی الدن گئدن درحق،بو قرآن مجید اولدو

بیرعده کینه سی دلده،چوخوموش آل طاهایه

آتام الدی همان کینه اورکلدن پدید اولدو

قاپوم یاندی قولوم سیندی،منه ظلم ایلدی ثانی

دم درده دوشن وقته بالام محسن شهید اولدو

درو دیوار آراسیندا،قالاندا دوشموشم درده

محالدور قالام زنده،سفارشیم اکید اولدو

دایاندیم من که دیواره،دئمورم چوخ نلر اولدو

باتان سینه او دمده مسامیر حدید اولدو

اتین کی سازشی اولماز دمیریله مشخصدور

گورن ضربه نی دمیردن بدنده که ورید اولدو

نه تنها بیز جفا گوردوخ،گوره جاقدی جف شیعه

ائده له امته جوری قاپو یانماق کلید اولدو

قولوی باغلادی کیم لر،اولارا کیمسه امر ائتدی

منی سالان بو احواله،او ناکس پلید اولدو

ولی دلده بو آهیم وار،گئدیر الدن هوادارین

قالارسان یا علی تنها مصیبت جدید اولدو

اگر زنده قالیدیم من،آلاردیم حقیوی آخر

ولی الّم اولار راحت،بیلورسن کیمه عید اولدو

گئجیله غسل و کفن ایله،مزاریمی ائدین مخفی

اونا حتمن عمل ایله،وصیتیم اکید اولدو

چکورسن نظمه تاریخین،چکیده سین ایا فائز

سنه یاری ائدن دائم،خداوند وحید اولدو

کیم اهل بیته بیربیتی،ائده انشاد دنیاده

اونا جنتده لطف ایلر خدا بیتی نوید اولدو

نمایش بیشتر
شرکت پگاه

نوشته های مشابه

پاسخی بگذارید

همچنین ببینید

بستن
بستن

Adblock رو غیر فعال کنید

بخشی از درآمد سایت با تبلیغات تامین می شود لطفا با غیر فعال کردن ad blocker از ما حمایت کنید