وار نقدر جاندا نفس دییرم یا حسین
تا گلوری واردی بو سس دییرم یا حسین
بیر گونی اولماز کی آدی دلمه گلمه سین
واردی علاقم اونا بس دییرم یا حسین
دلده اولا مهری کیمین دل اونی یاد ائلر
مهرینه حافظدی قفس دییرم یا حسین
یاد ائلوینده آدینی دوشورآللاه یادا
ذکری دگول چونکه عبس دییرم یاحسین
ناز ائلویر دهریده چون هره دلبر کسه
اولدو او مولا منه کس دییرم یا حسین
سو ایچه شیعه دوشه جاق یادینا بو آقا
سو ایچرم منده سپس دییرم یا حسین
مولا بیلورکه آقاما من اوزوم عاشقم
ایلوری چونکه دل هوس دییرم یا حسین
دلبرین عاشق سالاجاق یادینا هر زمان
دل اولوب عاشق که زبس دییرم یا حسین
عشق حسین عاشقینه ائله بیر بحریدور
اولموشام او بحریده خس دییرم یا حسین
نور حقین مظهریدور بو آقا دهریده
اوننان آلام تا که قبس دییرم یا حسین
داده چاغیرسام بیلورم یته جاق دادیمه
ایلمه رم زره ای یأس دییرم یا حسین
فائز ئوپر تربتینی بو شهین روز وشب
اللریم ایلر اونی مس دییرم یا حسین
تیر ماه۱۳۹۶
