وارث ارزنده اولدون انبیایه یا حسین
اولموسان سبط مکرم مصطفایه یا حسین
نوریدن خلق ایلیوبدی خالق عالم سنی
آیت پاینده سن نور خدایه یا حسین
شأنیوه آگه اولوبدی بوالبشر اول قدم
عاشقون اولده آدم اولدو حتا یا حسین
انبیالر آشنا اولدو سنین اجلالیوه
مصطفا تک اسوه اولدون اولیایه یا حسین
عرش و فرشین زینتی آل عبادور دهریده
زینت اولدو گل آدین آل عبایه یا حسین
انبیانین خاتمی جدین رسول مصطفا
خاتم اولدون خلقتن آل کسایه یا حسین
زینت دوش نبی سن فرّ زیب عرش حق
آشنادور گل آدین اهل سمایه یا حسین
زینت کل عوالمدور علی المرتضا
زینت اولدون سن همیشه مرتضایه یا حسین
علتی واردیر اولوبلار عاشقون آزاده لر
وئردی رونق نهضتین دین خدایه یا حسین
غبطه ایلر اهل عالم همت و ایثاریوه
همتین وئردی شرافت اتقیایه یا حسین
نهضتیندن آلدی عبرت دهریده آزاده لر
تابع اولمازلار اولاراهل جفایه یا حسین
زنده ساخلار نهضت کرب و بلانی شیعه لر
واجب اولدو بو عمل اهل ولایه یا حسین
هر کس اولسا پیرون ذلت قبول ائتمز یقین
شاهدیم عباسدور بو مدعایه یا حسین
قبله گاه عشقدور کرب و بلا عشاق اوچون
چون شرافت وئردی قانون کربلایه یا حسین
تربت پاکون اولوبدور توتیا اکمه لره
گوزلریم قربان ائله بیر توتیایه یا حسین
بذل جان ایلر یولوندا هر زمان عاشق لرین
وئرموسن بو درسی سن اهل ولایه یا حسین
مهریوی قلبینده بسلردائمن فائز آقا
بیر ذخیره تا اولا روز جزایه یا حسین
