بسمه تعالی
سردار مقاومت ملکوتی شد
رهِ دینده مهِ دیده، شهید اولدو سلیمانی
قویوب بو گونلر آغلار کن، گئجه گوندوز چوخ انسانی
شهادت فیضینی تاپدی، عروج ائتدی سماواته
ولیکن داغدار ائتدی، جهاندا چوخ مسلمانی
جهاد ائتدی گئجه گوندوز، نبردِ حق و باطلده
بیر آنی قویمادی خالی، زمان جنگ، میدانی
شجاعتده صلابتده، شهامتده رشادتده
ایدوب حیران جهان اهلین، دلاور مردِ ایرانی
جهاندا آبرو وئردی، سلیمانی مسلمانه
ایدوبدی سر فراز آری ، وطنده اهل کرمانی
بلی آخر شهید اولدو، یتوشدی فیضِ عظمایه
گتوردی جوشه قانلاری، بو سردارین آخان قانی
یری خالی دگول امما، هزاران واردیر امثالی
اونا چوخ جانشین واردیر، یرینده اوتدی قاآنی
یقین قالماز قانی یرده،آلار تئز انتقام ایران
بلی آماده دور لشکر، وئروب رهبر بو فرمانی
گینه گون تک عیان اولدو،تروریسم جهان کیمدور
اگر کتمان ائده هر کیم،یقین کی یوخدور ایمانی
سلیمانی،سبب اولدو،عراقدا قالماز آمریکا
گوره جاقدی بونی امت،قالا اوردا یوخ امکانی
نه آغلورسان ایا ( فائز)،نه اوّلدور نه ده آخِر
رهِ دینده مسلمانلار،وریبلر چوخلی قربانی
روز سیزدهم دی ماه ۱۳۹۸روز شهادت سردار سلیمانی
