ظهورمتفرقه
موضوعات داغ

اربعینده بیر کربلایه باخ

بازدیدها: ۱۱

ای ولایتین دشمنی اویان دقت ایله اهل ولایه باخ

گورنئجه وئروب عالمه تکان اربعینده بیر کربلایه باخ

باخ محبت اهل بیته سن ایلیور نفوذ قلب امته

گور نه جذب ایدوب کوی عشقینه عاشقین شه نینوایه باخ

کیمده وار بئله بیر جلالتی حیرته سالیب اهل عالمی

امته اولوب مرقدی مطاف نور دیده ی مصطفایه باخ

هر دیاریدن عازم اولدولار زائری گئدیرشور وشوقیله

چوخلی قشریدن واردی زائری میوه ی دل مرتضایه باخ

سیل کیمی خروشاندی پیروی بحر تک گلیر موجه دم بدم

دولدوروبدی کوی ومنازلی پیروان میر هدایه باخ

عشقین عالمه ایله سین عیان عاشقان دلداده ی حسین

ثابت ایلدی اربعین گونی پیروان شاه ولایه باخ

بیر بئله عزا اهل دنیادا آیری فرد اوچون اولمادی قوران

سوگواری اهل عالمه انبیایه یا اولیایه باخ

بیله اربعین دار فانیده انبیایه حتی اولونمادی

کل انبیالر گلیب گئدیب روز رحلت انبیایه باخ

بیر عظیم پدیده بو عصریده شاه کربلا اربعیندور

بیر همایش ملی ایلدی پیروان آل عبایه باخ

زائرینده واردی پیاده سی چوخ مسافتی طی ایلدی

شور و شوقیله یول گئدیربیرآی یوللاری گئدن رد پایه باخ

حجه کیم گئدیبدی بیلر اونی نئچه میلیون اوردا اولار حاجی

اون برابری اربعین گونی کربلاده واردی اورایه باخ

کیم گئدیر او آی کربلایه کی اولماقین نظرده آلیر بسا

تهدید ایلیوب داعشی اونی کینه دل اشقیایه باخ

عبرت آلمیری بیلمیرم نیه بیله صحنه لردن معارضین

هاردا بیر بئله واردی کنگره یر اوزونده گئت کل جایه باخ

اربعینده فائز اولوب اوزی کربلاده گوردی جمعیتی

عرض ایدوب خدا وئردین عزتی حشمت شه کربلایه باخ

نمایش بیشتر

نوشته های مشابه

پاسخی بگذارید

بستن