علما ویردیلارعالمده بو ضرب المثلی
گوهرین اصلینه قیمتده یتوشمز بدلی
شهره ی عالم اولوب پور علی وار عللی
وئردی بو شأن و جلالی اونا حیِّ ازلی
گلمویوب گلمویه جاق،مثلی حسین ابن علی
نوریدن خلق ائلیوب خالق جان پنج تنی
عرشیله فرشه ایدوب زینت حسین و حسنی
سبط احمد ائله دی راضی حق ذوالمننی
باعث جذب جماعتدی حسینین عملی
گلمویوب گلمویه جاق،مثلی حسین ابن علی
خالق عالم اولوب نقشه ی حسنون چکنی
حوریان اولدو ولادت گونی خدمت ائدنی
جبرئیل اولموشودی مهدیده لای لای دیینی
گلدیله خیل ملائیک گوره لر اول گوزلی
گلمویوب گلمویه جاق،مثلی حسین ابن علی
آتاسی شاه ولایت باباسی خیرالانام
آناسی فاطمه دی کوثر طاهادی بنام
پنج تن حرمتینه،چرخ فلک تاپدی قوام
دهریده فیض وئرور امته نور ازلی
گلمویوب گلمویه جاق،مثلی حسین ابن علی
بو شه کرب و بلا نور حقین مظهریدور
آسمان شرفین ایشیقلی بیر اختریدور
بحر علم و ادبین،معرفتین گوهریدور
حیف اولا دهریده چوخ جور و جفا گوردی ولی
گلمویوب گلمویه جاق،مثلی حسین ابن علی
خامس آل عبا سبط نبی حجت حق
شأنینه غبطه ائلر،دهریده کل ما خلق
مثلینی گورمویه جاق ارض و سما و نه طبق
بیرده خلق اولمویاجاق آل عبانین مثلی
گلمویوب گلمویه جاق،مثلی حسین ابن علی
اهل ایمانه همیشه اوزی احسان ائده جاق
هرکیمین دردی اولا دردینه درمان ائده جاق
مشکلی اولسا کیمین،آچماقین آسان ائده جاق
مشکلی حلّ ائلوین چون بو شهین واردیر الی
گلمویوب گلمویه جاق،مثلی حسین ابن علی
اهل عالمده اونون واردیر عجیب جاذبه سی
مرد آزاده لره اولدو نصیب جاذبه سی
دردمند عاشقینه اولدو طبیب جاذبه سی
جذب ایدوب مکتبینه دهریده چوخلی مللی
گلمویوب گلمویه جاق،مثلی حسین ابن علی
اوزی حق نیّتی حق،حجت حق دلبر جان
هدفینده واریدی،آگه اولا اهل جهان
هدفین چونکه عملده،بشره وئردی نشان
قربهً لله اولوب دهریده کلِّ عملی
گلمویوب گلمویه جاق،مثلی حسین ابن علی
بیر قیام ائتدی او شه،حشره جه زنده قالاجاق
دین حق حفظ اولا تا،خلق اونی یاده سالاجاق
نهضتیندن چوخ آدام،عصریده سر مشق آلاجاق
وارد اولماز چون اونون،نهضتینه بیر خللی
گلمویوب گلمویه جاق،مثلی حسین ابن علی
ائله بیر نهضتی وار،امتی هشیار ائلوری
نسل آینده نی او دهریده بیدار ائلوری
نهضتی اولدو الهی،هامی اقرار ائلوری
گون کیمی اولدو عیان،ملت دنیایه بلی
گلمویوب گلمویه جاق،مثلی حسین ابن علی
ظالمه ایمه دی باش،عالمه اعلان ائله دی
حفظ ائده دین حقی،سعی فراوان ائله دی
آلتی آیلیق بالاسین،دینینه قربان ائله دی
حفظ دین نبوی نهضتینین ما حصلی
گلمویوب گلمویه جاق،مثلی حسین ابن علی
عزّت و شوکتینه غبطه ائلر پیر وجوان
عزّتین منزلتین،اربعینی وئردی نشان
کیمده وار بو عظمت،مثلینی گورموبدی جهان
ائله بیر شهدی اونون وار حرم مجللی
گلمویوب گلمویه جاق،مثلی حسین ابن علی
لازم اولدو دییوله،پور علی شجاعتی
امتین شیعه لرین،تا چوخالا بصیرتی
حیف اولا آز دییولور،شهامتی درایتی
شعرا یازدی چوخی،حضرته نوحه غزلی
گلمویوب گلمویه جاق،مثلی حسین ابن علی
شیعه لر گوندَریری ساحتینه گونده سلام
اهل اسلامه اولوبدور بو آقا چونکه امام
فائزا یازگیلا بو مِصرع اولا حسن ختام
شعریوین مقطعینه خوشدی یازیلسااَوَلی
گلمویوب گلمویه جاق،مثلی حسین ابن علی
