متفرقه
موضوعات داغ

اشقیا قویمور جهان اهلی راحت اولا

مسلمانلار اولا راحت جهاندا اشقیا قویمور اولا وحدت مسلماندا یقین اهل جفا قویمور

بازدیدها: ۳۲

اشقیا قویمور جهان اهلی راحت اولا

 

 

مسلمانلار اولا راحت جهاندا اشقیا قویمور

اولا وحدت مسلماندا یقین اهل جفا قویمور

 

سالیب سلطه ستم کاران جهاندا اکثر خلقه

ایدوب حیله چکوب نقشه اولار راحت اولا قویمور

 

نیه ال چکمیری ظلام،جهانه ولوله سالدی

اولا آرامشی انسان،اولارکی مطلقا قویمور

 

فلسطین توپراقین آلدی،فساد اهلی ستم کاران

فلسطینلی اولا راحت،همان او ماجرا قویمور

 

اولوب عامل ستم کاران،فلسطین اهلی هی الدی

یته باشه نزاع اوردا،ولکن اغنیا قویمور

 

ایدوله اعتراض هرآن،او رفتاره جهان اهلی

حیاسی یوخدی خون آشام،حسابه بی حیا قویمور

 

جفا اولدو مسلمانه،اونون کی علتی واردیر

اولاردا اتفاق اولسون،بیلین اهل ریا قویمور

 

مسلمانلار بیر اولسیدی،اولاردی عزّتی عالی

اولا وحدت مسلماندا ولیکن اشقیا قویمور

 

تأسف ایلویر فائز مسلمان متحد اولمور

اولاردا اتحاد اولسون،ائدیر دشمن جدا قویمور

 

 

خرداد ماه۱۳۹۷ مصادف با ماه مبارک رمضان

نمایش بیشتر

پاسخی بگذارید

بستن