مدح و مولودی

واجبدی پیامبرین آدی گلنده صلوات گوندرک

بازدیدها: ۱۶

هادی امت یارانوب انبیا

وئردی مقامی اونا رب العلی

افضلی اولدو اولارین مصطفا

غبطه ائلرشوکتینه اولیا

صلو علی سیّدنالمصطفی

 

خلق ایدوب آللاه اونی بیر نوریدور

خلقت عالمندن اومشهوریدور

رشک ائلوین نورینه هر هوریدور

چونکه اولوب مظهر نور خدا

صلو علی سیّدنالمصطفی

 

خلقت عالمده اولوب بیر وجود

منزلت وشأنینه یوخدورحدود

خلق ائلیوبدی اونی حی ودود

هر ایکی دنیایه ائلراکتفا

       صلو علی سیّدنالمصطفی

 

وصف ائلویه بیلمز اونی بیرنفر

چون ائدیب آللاه اونی فوق بشر

وصفینی ایلوبدی حق دادگر

ائتدی اونی زینت ارض وسما

صلو علی سیّدنالمصطفی

 

گورنئجه آللاه اونا وئردی مقام

گونده نمازدا اونا وئرّیک سلام

کیمدی اولااوندا بئله احتشام

اولمویوب اولماز ابدا مطلقا

صلو علی سیّدنالمصطفی

 

واردی اوحضرتده عجیب منزلت

بیرکسه وئرموب حق ائله مرتبت

بسدی مقامونده بوبیرمنقبت

اولدو وصی حضرت اوچون مرتضا

صلو علی سیّدنالمصطفی

 

خلق ائلیوب خلقت پروردگار

اولدوخلایقده محمد(ص) نگار

مثلینی گورمز داخی بوروزگار

ثابت اولوب امته اوبرملا

صلو علی سیّدنالمصطفی

 

غبطه ائلرحضرته کل بشر

شأنیده چاتمازاوناچون بیرنفر

اهل جناندی کیمه قیلسا نظر

جنت خلق ایلیوب آللاه اونا

 صلو علی سیّدنالمصطفی

 

معدن رحمتدی آقا امته

نور هدایتدی هامی ملته

 حشریده یول حضرت آچارجنته

عالمین اهلی اونا اولسون فدا

صلو علی سیّدنالمصطفی

 

ختم رسل صورت زیباسی وار

حقدن اونون نور تجلاسی وار

عالم اوچون رحمت عظماسی وار

هادی اولوب امت اوچون بوآقا

صلو علی سیّدنالمصطفی

 

دشمن اولوبدی اونا قوم یهود

ایلور حسادت اونا اهل حسود

عترتینه ظلم ائدیرآل سعود

نسلی کسیلسین اولارین دنیادا

صلو علی سیّدنالمصطفی

 

گوردی بودنیاده اوکمتر گونی

گوزلوری امما اوز آخرگونی

عزّتی معلومی اولی محشرگونی

اوزگتوررساحتینه انبیا

صلو علی سیّدنالمصطفی

خادم اولوب حضرته هر باشعور

آللاه اونون قلبینه چون سالدی نور

راحت اولارپیروی یوم نشور

واردی نیازی اونا شاه وگدا

 صلو علی سیّدنالمصطفی

 

فائز اولوب خادم آل رسول

ایلدیغی خدمتی اولسا قبول

داربقاده داخی اولماز ملول

آل محمدی منه رهنما

صلو علی سیّدنالمصطفی

نمایش بیشتر

نوشته های مشابه

پاسخی بگذارید

بستن