ائله مظلومه دی بانوی محشر
غمینده ماسوا زهرایه آغلار
بیلوردی حقینی الدن آلالار
رسول مصطفا زهرایه آغلار
مصیبتی ائله شدید اولوبدی
هامیسی اوصیا زهرایه آغلار
پیامبردن صورا عمری آز اولدو
حسن مجتبا زهرایه آغلار
وئروب الدن بتولی شاه مردان
علی المرتضا زهرایه آغلار
خبر یتدی گویه زهرا النده
هامی اهل سما زهرایه آغلار
وئرنده غسلونی گوروردی اسما
شه خیبر گشا زهرایه آغلار
دئدی علت ندور ای شاه مردان
بئله شیر خدا زهرایه آغلار
بویوردی پیکرینده وار یاراسی
گوزوم گوردی یارا زهرایه آغلار
علینی ایلدی دلخون بتولی
گونی اولدو قرا زهرایه آغلار
علینین خوش گونی اولماز الونجن
توتار هر گون عزا زهرایه آغلار
باتوب یاسه علینین دودمانی
ایوینده دورد بالا زهرایه آغلار
جهان اهلی هر آن آغلار حسینه
شه کرب وبلا زهرایه آغلار
خانم زینب دییر ای وای آنام وای
اونیلا مجتبا زهرایه آغلار
ائله مظلومه دی ام ابیها
همیشه اولیا زهرایه آغلار
گئدیب الدن حق بانوی عالم
ائدر شیعه نوا زهرایه آغلار
اولوب گیزلین نیه زهرا مزاری
بیلور اهل ولا زهرایه آغلار
اولار فاطمه نین ایامی ائیلده
او گونلر آشنا زهرایه آغلار
اولار غمگین هامی شیعه بو گونلر
هر آن ساخلار عزا زهرایه آغلار
نه تنها آغلیار بو غمد سیّد
اولان عبد خدا زهرایه آغلار
حسینین ماتمینده آغلیانلار
گهی ویرار باشا زهرایه آغلار
اولار گریان اونا نوحه یازانلار
شعری یازا یازا زهرایه آغلار
یازاندا نوحه سین قلم سیزیلدار
یازانیلا اودا زهرایه آغلار
اولار گریان گوزی شاعر یازاندا
اولار قلبی رضا زهرایه آغلار
بالاسی چون بیلر هاردا مزاری
گئدر مهدی اورا زهرایه آغلار
همیشه آغلیار فائز بوغمده
اونا اولدو آنا زهرایه آغلار
آناسی سیّده اولوبدی فائز
ایکی آنا بالا زهرایه آغلار
بهمن ماه ۱۳۹۵ (ایام فاطمیه)
