شرکت پگاه
ذکر مصیبت

ایام فاطمیه

بازدیدها: ۳۰

قاره پوش اولدو جهان،ایّام فاطمیّه ده

چوخ اورکلر اولدو قان،ایّام فاطمیّه ده

آغلیار صاحب زمان،ایّام فاطمیّه ده

زنده ساخلار شیعیان ایّام فاطمیّه نی

ایلیوبلر یادمان ایّام فاطمیّه نی

ایلدیلرجاودان ایّام فاطمیّه نی

اولدولار ماتم قوران،ایّام فاطمیّده

آغلیار صاحب زمان،ایّام فاطمیّه ده

شیعه لر اوچ هفته نی هر گونده ساخلالا عزا

آغلیاللار ایلویللر گونده هی آه ونوا

چوخلی یرده حضرته چون قوردولار ماتم سرا

هی چوخالدی آغلایان،ایّام فاطمیّه ده

آغلیار صاحب زمان،ایّام فاطمیّه ده

شیعه نی محزون ایدرهر ائیلده زهرانین غمی

بضعت پیغمبره ساخلار بو گونلر ماتمی

چوخلی منزلده ویرار هر گونده قاره پرچمی

واردی ماتم هر زمان،ایّام فاطمیّه ده

آغلیار صاحب زمان،ایّام فاطمیّه ده

قاره پوشدی هیئت اهلی هر ائیلی بو گونلری

هر گونی یاده سالار بو گونده مظلوم حیدری

گون به گون رنگی سولوردی مرتضانین همسری

شیعه لر آغلار هرآن،ایّام فاطمیّه ده

آغلیار صاحب زمان،ایّام فاطمیّه ده

حضرت زهرایه آرتیر هر گونی وابسته لر

واردی هر یرده چون اهل بیته عاشق هسته لر

باغلانور ایّام فاطمیّه ده چوخ دسته لر

واردیلار سینه ویران،ایّام فاطمیّه ده

آغلیار صاحب زمان،ایّام فاطمیّه ده

وار روایت بو زمانلار فاطمه قان آغلادی

چون یتیردی چوخ مصیبت اولدو نالان آغلادی

مرتضا هم اهل بیتی هی پریشان آغلادی

آغلادیلار او زمان،ایّام فاطمیّه ده

آغلیار صاحب زمان،ایّام فاطمیّه ده

مرتضانین قوللارین او گون منافق باغلادی

فاطمه نین سینه سین اوگونده امت داغلادی

یتدی زهرایه عظیم درد و مصیبت آغلادی

ایلویردی چوخ فغان،ایّام فاطمیّه ده

آغلیار صاحب زمان،ایّام فاطمیّه ده

اود ویرانلار درگه زهرایه طغیان ایلدی

اهل بیت مصطفانی دیده گریان ایلدی

عالمین اهلین اولارحالی پریشان ایلدی

شیعه اولدو باغریقان،ایّام فاطمیّه ده

آغلیار صاحب زمان،ایّام فاطمیّه ده

حقینی الدن آلان او سروره ظلم ایلدی

رحمتن للعالمین پیغمبره ظلم ایلدی

خاندان مصطفایه حیدره ظلم ایلدی

محنت اولدو بیکران،ایّام فاطمیّه ده

آغلیار صاحب زمان،ایّام فاطمیّه ده

قنفذ ومغیره ثانی تخت ظلمه چخدیلار

قویدولارزهرانی پشت درده محکم سیخدیلار

یاره لندی سالدیلار آخر ایاقدان یخدیلار

آغلادی کروبیان،ایّام فاطمیّه ده

آغلیار صاحب زمان،ایّام فاطمیّه ده

بی حیالرملک زهرانی الیندن آلدیلار

ویردیلارقنفذله ثانی هم ایاقدان سالدیلا

اهل بیتین گون به گون رنگی سولوب سارالدیلار

اولدو بهاری خزان،ایّام فاطمیّه ده

آغلیار صاحب زمان،ایّام فاطمیّه ده

بیر فقط آللاه بیلور قالدی نه حاله مرتضا

آز قالیردی غصه دن قلبی یاتا شیر خدا

گئچدی آغلار گونلری مولا علی صبح ومسا

قالمیشیدی الامان،ایّام فاطمیّه ده

آغلیار صاحب زمان،ایّام فاطمیّه ده

حقی الدن گئتمه سی زهرانی ائتدی تلخ کام

گوردی اولمورزرّه جه شیر خدایه احترام

سینه سینین یاره سینه اولمادی بیر التیام

قالمادی جاندا توان،ایّام فاطمیّه ده

آغلیار صاحب زمان،ایّام فاطمیّه ده

تاب ائده بیلموردی زهرا امتین اعمالینه

گوردی ثانی لر یتوبدوراوز خبیث آمالینه

آغیاردی فاطمه مظلوم علینین حالینه

محنتی اولدو گران،ایّام فاطمیّه ده

آغلیار صاحب زمان،ایّام فاطمیّه ده

گیزله دردی دردینی مولا علیدن فاطمه

مخفی ائتدی دل غمین گویا علیدن فاطمه

گیزله دیب قمچی یرین حتا علیدن فاطمه

وئرمه دی اصلا نشان،ایّام فاطمیّه ده

آغلیار صاحب زمان،ایّام فاطمیّه ده

گیزله دیبدورمرتضادن سینه سینین یاره سین

ایسته مزدی مرتضانین غصه سین چوخ ایله سین

بیت الحزانه دییردی هر زمان دل غصه سین

او یری ائتدی مکان،ایّام فاطمیّه ده

آغلیار صاحب زمان،ایّام فاطمیّه ده

گیزله دردی فاطمه مولا علیدن محنتین

آز دییردی مرتضایه گوردوگی مصیبتین

مخفی ایلردی همیشه یاره نین اذیّتین

دردینی ائتدی نهان،ایّام فاطمیّه ده

آغلیار صاحب زمان،ایّام فاطمیّه ده

مرتضانین حالینا زهرا یاناردی هی دلی

هیچ اونا بیلدیرمه دی ایشدن دوشوبدور بیر الی

سعی ائدردی اولمویا چوخ غصه لی مولا علی

گور نه وئردی امتحان،ایّام فاطمیّه ده

آغلیار صاحب زمان،ایّام فاطمیّه ده

مرتضانین حالینا آغلاردی هی زهرا گوزی

خاطری اولدو پریشان هر گئجه گوندوزی

آغلادیر ایندی بیزی زهرا خانمین هم اوزی

چوخلی اولدو آغلایان،ایّام فاطمیّه ده

آغلیار صاحب زمان،ایّام فاطمیّه ده

فاطمه چوخ یاره سین ایوده بالادن گیزله دیب

ثانی ویردی کوچه ده شیر خدادن گیزله دیب

نیلگون اولدو بدن خیبر گشادن گیزله دیب

دردینی ائتدی نهان،ایّام فاطمیّه ده

آغلیار صاحب زمان،ایّام فاطمیّه ده

ایلدی جانین فدا راه ولایتده خانم

نقش چوخ اولدو یقین حفظ شریعتده خانم

اولدو قربان دین اسلامه حقیقتده خانم

مسئله اولدو عیان،ایّام فاطمیّه ده

آغلیار صاحب زمان،ایّام فاطمیّه ده

اولدو حق یولدا فدا پیغمبرینده بضعتی

ایسته دی حفظ ایله سین دنیاده چون ولایتی

حفظ ایدوبدی فاطمه رسالتی امامتی

دین یولوندا وئردی جان،ایّام فاطمیّه ده

آغلیار صاحب زمان،ایّام فاطمیّه ده

تنگناده قویدولار منافق آل عصمتی

ائتدیلر بی حرمتی چوخ ائتدیلر اذیّتی

انتخاب ائتدی خانم او گون ره شهاتی

الدو قربان همزمان،ایّام فاطمیّده

آغلیار صاحب زمان،ایّام فاطمیّه ده

آغلیار صاحب زمان هر ائیلده چوخ بو گونلری

آغلادی شام وسحر بو گونلری چون مادری

آغلادیب زهرا غمی سبط رسولی حیدری

آغلیار اهل جهان،ایّام فاطمیّه ده

آغلیار صاحب زمان،ایّام فاطمیّه ده

آغلادی بو گونلری زهرایه شاه کربلا

آغلادی زهراغمینده بو زمانلار مجتبا

آغلیاردی ام کلثوم آغلیاردی مرتضا

زینب ایلردی فغان،ایّام فاطمیّه ده

آغلیار صاحب زمان،ایّام فاطمیّه ده

هر زمان آغلاردی بو ایّامیده مولا علی

چون قصاص آلانمادی مغیره دن اوندا علی

تئز قوجالدی غصه دن ایّامیده حتا علی

اوره گی اولاردی قان ،ایّام فاطمیّه ده

آغلیار صاحب زمان،ایّام فاطمیّه ده

غیرت الهین عیالین ویردیلار دیننمه دی

حقینی عیان الوندن آلدیلار دیننمه دی

درگهینه اود ویروب یاندیردلار دیننمه دی

محنتی اولدو گران،ایّام فاطمیّه ده

آغلیار صاحب زمان،ایّام فاطمیّه ده

مرتضایه اولدو غم زهرانی ثانی ویرماقی

یخیلاندا پشت درده فرد جانی ویرماقی

درگهینه اود ویراندا شیخ ثانی ویرماقی

زینب اولدو آغلایان،ایّام فاطمیّه ده

آغلیار صاحب زمان،ایّام فاطمیّه ده

مرتضا مصیبتی اولوردی چتین آغلادی

فاطمه گئتدی الوندن اولدو غمین آغلادی

چون قصاص آلانمادی ایوینده گیزلین آغلادی

آغلیاردی شیریزدان،ایّام فاطمیّه ده

آغلیار صاحب زمان،ایّام فاطمیّه ده

آغلیوب بو گونلری،زینب دییردی دل غمین

چون گورردی آغلیری مظلوم علی حزین حزین

آغلیاردی مجتبا آغلاردی چوخ مظلوم حسین

غملی اولدو قدسیان،ایّام فاطمیّده

آغلیار صاحب زمان،ایّام فاطمیّه ده

آغلادی بو گونلری زهرایه آل مصطفا

قاره پوش اولدو بو گونلرده هر ائیل اهل ولا

آغلیار صاحب زمان چوخ یر اولار ماتم سرا

اولدولارناله کنان،ایّام فاطمیّه ده

آغلیار صاحب زمان،ایّام فاطمیّه ده

غملریوه شیعه لر قربان اولا صاحب زمان

غملی اولدون دهریده ای سرور اهل جهان

سن گلینجن غملیدور اهل ولایتده هرآن

اولدو گریان هر زمان،ایّام فاطمیّده

آغلادی ائیلده هرآن،ایّام فاطمیّه ده

آغلیار صاحب زمان،ایّام فاطمیّه ده

فاطمه نین غم لری اهل جهانی آغلادار

اولیانی آغلادارهم شعیانی آغلادار

هامیدان چوخلی بو غم صاحب زمانی آغلادار

چوخلار اولدو نوحه خوان،ایّام فاطمیّده

آغلیار صاحب زمان،ایّام فاطمیّه ده

آغلیارفائز هرآن ایّام فاطمیه ده

غملیدور اهل جهان ایّام فاطمیه ده

چوخ اولار ماتم قوران ایّام فاطمیه ده

ائتدیلر حقی عیان،ایّام فاطمیّده

آغلیار صاحب زمان،ایّام فاطمیّه ده

ایام فاطمیه بهمن ماه ۱۳۹۵

نمایش بیشتر
شرکت پگاه

پاسخی بگذارید

بستن

Adblock رو غیر فعال کنید

بخشی از درآمد سایت با تبلیغات تامین می شود لطفا با غیر فعال کردن ad blocker از ما حمایت کنید