ایران

آذربایجانین طبیعتی گوزلدی

باغدا آچان قزل گله عاشقم داغدا اسن سرین یله عاشقم نازلی یارین عاشقیم هر زمان آغ جمالا دوشن تله عاشقم

بازدیدها: ۳۵

آذربایجانین طبیعتی گوزلدی

 

 

باغدا آچان قزل گله عاشقم

داغدا اسن سرین یله عاشقم

نازلی یارین عاشقیم هر زمان

آغ جمالا دوشن تله عاشقم

 

یاشیل دونی گین داغا عاشقم

هیوا ناری اولان باغا عاشقم

نازلی یارین تلی دوشه عارضه

قاره تله گل دوداغا عاشقم

 

یار اوزونده آلا گوزه عاشقم

دانیشدیقی شیرین سوزه عاشقم

گل دوداقی عاشقینه گلدورن

مه جمالا او گل اوزه عاشقم

 

من عاشقم داغدا اسن یللره

باغدا آچان دسته قزل گللره

زینتی وئردی داغا هی ائللری

مرحبا او داغدا گزن ائللره

 

من عاشقم کشوریمیز ایرانا

علی الخصوص شأنلی آذربایجانا

من سئورم ولایتین عاشیقین

چون عاشقم منده شه مردانا

 

خلق ائلیوب خالق جان داغلاری

بوللی واردی دامنینده باغلاری

لذتلیدی میوه لری باللاری

یمه لیدی کره لری یاغلاری

 

آذربایجان یوردی اولوبدور گوزل

بهشتین باغینا اولوبدور مثل

جهاندا قهرمان یوردی ساییلار

شهامتده اولوب مردانی اوّل

 

آذربایجان ولایتی گوزلدی

دیلی شیرین جماعتی گوزلدی

عنایت ایلیوب خالق عالم

چهار فصلی طبیعتی گوزلدی

 

آنا یوردوم اولوب آذربایجان

فخر ایلویر اونا فائز دوران

هر زماندا آدی دیللرده واردی

قوچ ایگیتلر بسلیوبدی هر زمان

فروردین ماه ۱۳۹۶

 

نمایش بیشتر

دیدگاهتان را بنویسید

بستن