مدح و مولودی

ضامن آهو

بازدیدها: 35

ضامن آهو

بیزه ایله بیر احسان — ایا ضامن آهو

چاغیر خدمته مهمان — ایا ضامن آهو

ایا ضامن آهو—ایا ضامن آهو

گوزی سنده بو امت،هرآن ای شه ابرار

اولیدی بیزه قسمت،اولیدوخ سنه زوار

بیزی ایسته حضوره،سنی حیدر کرار

گلاخ محضره مهمان – ایا ضامن آهو

ایا ضامن آهو—ایا ضامن آهو

بیزه بیر نظر ایله،ایا شاه خراسان

بیزی سالما نظردن،احبّا سنه قربان

آلا دردینه درمان،گوزی سنده چوخ انسان

ائدین دردینه درمان — ایا ضامن آهو

ایا ضامن آهو—ایا ضامن آهو

اولوبسان ائله مولا،گلور گونده قوناقون

آقا جنته بنذیر،سنین صحن و رواقون

بیزه چوخ اثر ایلر،شها نار فراقون

ائدر بیزلری گریان — ایا ضامن آهو

ایا ضامن آهو—ایا ضامن آهو

سنه قربان اولوم من،ایا نور هدایت

آقا کان کرم سن،بیزه ایله عنایت

گلاخ محضره دائم،بیزی ایله حمایت

ایا حجت یزدان — ایا ضامن آهو

ایا ضامن آهو—ایا ضامن آهو

اورکلرده یر ائتدین،ایا مطلع انوار

دل شیعیه باخسان،او دلده بو هدف وار

هر ائیلده اولا دائم،سنین قبریوه زوار

اولا قلبی خرامان — ایا ضامن آهو

ایا ضامن آهو—ایا ضامن آهو

ایا معدن احسان،نجاتین یولی سنده

کیمین مشکلی اولسا،گلر درگهه گونده

آلیر دردینه درمان،سنه دردی دیینده

ائدن مشکلی آسان — ایا ضامن آهو

ایا ضامن آهو—ایا ضامن آهو

گلور مشهده زوار،هرآن امکان اولاندا

هرآن ایلوری لذّت گلیب اوردا قالاندا

اورکدن اولوری شاد،گلیب حاجت آلاندا

اولور چوخلاری شادان — ایا ضامن آهو

ایا ضامن آهو—ایا ضامن آهو

عزیز دل طاها،ایا پادشه طوس

ایدوبسن او مکانی،الان جنت فردوس

هرآن شاه و گدالر،اولوبدی سنه پابوس

اولان خسرو خوبان — ایا ضامن آهو

ایا ضامن آهو—ایا ضامن آهو

اولان حقیوه عارف،ایدر سیزدن اطاعت

اولوب پیروون هرکس،ائدوب آللاه هدایت

اولا کیم سنه عاشق،تاپار راه سعادت

اولار تابع قرآن – ایا ضامن آهو

ایا ضامن آهو—ایا ضامن آهو

سنه قربان اولوم من،اولوبسان ائله بیر شاه

هامی راضیدی سندن،همی راضیدی آللاه

چوخلی سائیلین اولدو،آچوبسان ائله درگاه

گلور سائیلین هرآن– ایا ضامن آهو

ایا ضامن آهو—ایا ضامن آهو

اولوبدی سنه عاشق – هرآن ملت ایران

اولور هی سنه زائر – هرآن پیر و جوانان

گلور گونده قوناقون – اولوری سنه مهمان

گلور گونده فراوان – ایا ضامن آهو

ایا ضامن آهو—ایا ضامن آهو

سنه قربان اولوم من،اولوبسان ائله بیر شاه

هامی راضیدی سندن،همی راضیدی آللاه

چوخی سائیلین اولدو،آچوبسان ائله درگاه

گلور سائیلین هرآن– ایا ضامن آهو

ایا ضامن آهو—ایا ضامن آهو

شها حقیوه هر کیم ،اولوب دهریده قائل

اولوب عارف دوران،اولار نعمتی کامل

یقین رحمت آللاه،اولوبدور اونا شامل

اودور اصلی مسلمان،ایا ضامن آهو

ایا ضامن آهو—ایا ضامن آهو

عزیز دل طاها ایا دلبر زهرا

بیزی سالما گوزوندن،ایا معدن تقوا

اولوبسان بیزه مولا،ایا سرور دنیا

اولان عزّتی شایان — ایا ضامن آهو

ایا ضامن آهو—ایا ضامن آهو

گلور زائرین هرآن – چون حج فقراسن

همی یار غریبان،معین الضعفاسن

چتین درده دواسن،غریب الغرباسن

همی شاه خراسان – ایا ضامن آهو

ایا سرور اسلام،سنی ائتدیله مسموم

آقا جدین حسین تک ایدوبله سنی مظلوم

سنی ائتدیله مسموم،بیزی ائتدیله مغموم

ایدوب بیزلری گریان — ایا ضامن آهو

ایا ضامن آهو—ایا ضامن آهو

شها فائز اولوبدور جهاندا سنه خادم

کیم اولدو سنه خادم،اولارخادم دائم

بیزه ایله عنایت،سنی حضرت کاظم

آلاق عزّت شایان — ایا ضامن آهو

ایا ضامن آهو—ایا ضامن آهو

 

نمایش بیشتر

نوشته های مشابه

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

بستن